2018 оны 12-р сарын 10-нд «Монголын-Орос-Хятадын эдийн засгийн коридор үүсгэх хөтөлбөр»-ийг хэрэгжүүлэх гурван талын ажлын хэсгийн шинжээчдийн дөрөвдүгээр зөвлөлдөх уулзалт Улаанбаатар хотноо болж өнгөрлөө.

Оросын талын төлөөлөгчдийг ОХУ-ын Эдийн засгийн хөгжлийн яамны Ази, Африк, Латин Америкийн газрын орлогч захирал А.В.Зеленев, Монголын талын төлөөлөгчдийг Гадаад харилцааны яамны Гадаад худалдаа, эдийн засгийн хамтын ажиллагааны газрын захирал В.Энхболд, Хятадын талын төлөөлөгчдийг БНХАУ-ын Хөгжил, шинэтгэлийн хорооны Баруун бүсийг хөгжүүлэх газрын орлогч захирал Жан Мин нар ахлан оролцлоо.

Талууд хөтөлбөрийн хүрээнд хүрсэн үр дүнгийн талаар мэдээлэл солилцож, тулгамдаж буй асуудлуудыг хэлэлцэв.